MWENYEKITI WA TUME YA UCHAGUZI WA VIONGOZI MUSO AWATANGAZIA WAGOMBEA KUCHUKUA FOMU

Na Albert Nzilolela

Mwenyekiti wa Tume huru ya Uchaguzi MUSO, Ndugu Mwashibanda Lukas Shibanda amewatangazia Wagombea mbalimbali wenye nia ya kugombea nafasi za Uongozi wa Serikali ya Wanafunzi Mzumbe (MUSO) kuchukua fomu za kugombea nafasi hizo kuanzia tarehe 26/12/2012 hadi tarehe 28/12/2012. Muda wa kuchukua fomu utakuwa ni kuanzia saa 4:00 Aasubuhi hadi saa 10:00 jioni. Na kuwa mwisho wa kurejesha fomu hizo ni tarehe 29/12/2012. Nafasi zilizotangazwa kugombewa ni pamoja na Rais, Makamu wa Rais, Seneta, School Representatives (SRs) na Faculty Representatives (FRs).

Aidha, Mwenyekiti huyo ametoa tahadhari kwa wale wanaoanza kupiga kampeni ya kuwa muda wa kufanya hivyo kwa mujibu wa sheria bado haujatangazwa na tume, na kuwa kuyafanya hivyo ni kinyume na sheria ya Uchaguzi kifungu cha sheria Na. 46 (2). Na kusema kuwa Mgombea yeyote atakayebainika atachukuliwa hatua za kisheria ikiwa ni pamoja na kufutiwa nafasi ya Ugombea katika nafasi husika.

TUME YA UCHAGUZI WA VIONGOZI WA SERIKALI YA WANAFUNZI MZUMBE YAUNDWA

Na Albert Nzilolela (Waziri wa Habari na Mawasiliano)

Kikao cha Bunge la Serikali ya Wanafunzi (MUSO) kimefanyika na kumalizika kwa kuchagua tume huru ya Uchaguzi ambayo inaundwa na wajumbe kumi ambao walimchagua Mwenyekiti wa Kamati hiyo, makamu mwenyekiti na Katibu wa Kamati hiyo.

Bunge hilo ambalo lilikuwa ni la Mwisho limeahilishwa kwa kuvunjwa na Mh. Rais wa Serilkali ya Wanachuo (MUSO).

Bunge limeanza kwa utangulizi wa hotuba ya Mh. Frenk Mbialu (Spika wa Bunge la Serikali ya Wanachuo - MUSO), ameanza kwa kuwashukulu wabunge kwa kuonesha Ushirikiano kwa kipindi chote chake cha Uongozi kilichomalizika baada ya Rais kulihotubia na kulivunja Bunge hilo. Katika hotuba hiyo ya utangulizi aliwasihi sana Wabunge kupitisha Sheria ya Matumizi ya fedha ili kuleta dhana ya uwajibikaji kwa serikali itakayokuwa madarakani kwa Mwaka wa masomo 2013 na ndpo alipomkaribisha Waziri Mkuu kufungua kikao hicho rasmi.

Waziri Mkuu ameanza kwa kutoa taarifa ya Uchaguzi wa Jumuiya ya Vyuo Vikuu Tanzania (TAHLISO ) ambao Rais wa MUSO aliibuka Mshindi na kuwa Mwenyekiti wa TAHLISO, hivyo amempongeza Rais kwa kuchaguliwa kuwa Mwenyekiti wa TAHLISO. Pia alichukua nafasi hiyo kuwashukulu Wabunge kwa Ushirikiano waliouonesha kwa kipindi chote Serikali ilipokuwa madarakani.

Miswada mbalimbali imejadiliwa katika Bunge hilo, miswaada iliyotawala katika Bunge hilo ilikuwa ni pamoja na ule wa Sheria ya matumizi ya fedha, mapendekezo ya mchango  wa TShs 5000/= itakayokuwa inakatwa kwenye pesa ya "Caution money" ambao unalenga kuchangia ujenzi wa mabweni, kusaidia wanafunzi wenye matatizo na gharama za masomo kwa Wanachuo wanaosoma nje ya nchi katika prrogramu ya kubadilishana (Exchange programs), michango ilipendekezwa na jumuiya ya wanachuo waliohitimu Mzumbe (Mzumbe University Convocation). Mswaada mwingine ni pamoja na ule wa Mchango wa Bima ya kifo (Funeral Assurance) TShs. 2500/= kuchangiwa na wanachuo, pendekezo lililoletwa kwa Serikali ya wanachuo na Kampuni ya AFRICAN LIFE ASSURANCE ambayo makao yake makuu ni Afrika ya Kusini ambapo mwanachama anayefariki familia yake hufaidika kwa kupewa TShs. 800,000/=.

Miswaada yote imejadiliwa na Mswaada wa Sheria ya Matumizi ya fedha umepitishwa kwa mapendekezo kuwa sheria hiyo ifanyiwe marekebisho baadhi ya vipengele vyenye mapungufu. Mswaada wa Michango ya Funeral Assurance na ule wa michango uliopendekezwa na jumuiya ya Wanachuo wa Mzumbe waliohitimu miaka ya nyuma haikuweza kupitishwa. Wabunge walipendekeza kuwa Miswaada hiyo ijadiliwe kwenye Baraza la wanachuo na kuletwa Bungeni katika Bunge linalofuatia ili ijadiliwe.

Wabunge wamefanikiwa kuchagua Kamati ya Uchaguzi itakayoratibu Uchaguzi wa Viongozi wa MUSO (FRs, SRs, Senators na Rais), Tume hiyo inayoundwa na ajumbe kumi (10) ilifanikiwa kumpata Mwenyekiti, Mwenyekiti Msaidizi pamoja na Katibu wa kamati hiyo. Aliyefanikiwa kuchaguliwa kuwa Mwenyekiti ni Mh. Mashibanda, Mwenyekiti Msaidizi ni Ester Charles na nafasi ya katibu imechukuliwa na Paul Samwel.

Mh. Rais wa Serikali ya Wanachuo, Amon Chakushemeire ameahilisha na kuvunja Bunge kwa kuainisha mafanikio ambayo Serikali imeyatekeleza kwa kipindi chake cha Uongozi ikiwa ni pamoja na Matokeo ya wanachuo kutolewa kwenye ARIS, kuiunganisha MUSO na jumuiya ya Vyuo Vikuu vya Afrika Mashariki (EAUSC) na TAHLISO, kuunganisha DSTV ambapo wanachuo huangalia mpira bure, Mifumo ya sauti (Audio systems)vyumba vya mihadhara, kuimalishwa kwa mfumo wa Intanet, Makongamano ya kitaaluma, kupunguza gharama ya mawasiliano kwa kushilikiana na mitandao mbalimbali mfano Airtel (mfumo wa Boom) ambao umepunguza gharama za mawasiliano kwa kiwango kikubwa, kuwagharimikia gharama za chakula (mill accomodation) wanafunzi wanne kutekeleza sera ya Serikali ya kuwapa nafasi wanawake ambapo Serikali yake iliindwa na asilimia 55% ya Wanawake, NMB ATM na kubwa zaidi kufanikiwa kupata Sheria mpya za mitihani. 

Mwisho Rais amewaponongeza wajumbe waliochaguliwa katika tume ya Uchaguzi na kuwashukulu wabunge kwa kutoa Ushirikiano mzuri kwa kipindi chake cha Uongozi ambacho kilikuwa kinaelekea kumalizika ndani ya mwezi mmoja baada ya Rais kuapishwa. amemaliza kwa kutoa angalizo na ushauri kwa baadhi ya wabunge kujitambua kuwa wao ni sehemu ya Serikali na hivyo kutokuonesha hali ya Usariti katika Serikali ijayo.

Bunge limevunjwa rasmi na Mh. Rais wa MUSO na kabla ya kuvunja bunge hilo alitanguliwa na hotuba  ya Mh. Frenk Mbialu (Spika wa Bunge la Serikali ya Wanafchuo Mzumbe (MUSO). Katika hotuba yake ya mwisho kwa Bunge amempongeza Rais kwa kuiongoza Serikali kwa mafanikio makubwa hasa kwa kufanikiwa kutunga sheria ya Matumizi ya fedha iliyopitishwa kwa kishindo, kufanikisha kupatikana kwa sheria mpya za mitihani kutekeleza baadhi ya ahadi alizoahidi katika ilani yake.

PICCHA KATIKA MATUKIO

Mh. Chakushemeire, Rais wa Serikali ya wanafunzi MUSO akisoma hotuba yake Bungeni, hotuba iliyofuatiwa na kuvunjwa kwa Bunge la Serikali ya Wanafunzi la mwaka 2012.

Mh. Frenk Mbialu, Spika wa Bunge la Serikali ya wanafunzi MUSO akifungua kikao cha Bunge.

Mh. Kamihanda (Mbunge) akichangia hoja ya Mswaada wa Sheria ya matumizi ya Fedha.

Wabunge wakila kiapo cha utii cha kuitumikia Serikali ya Wanafunzi (MUSO).

Wajumbe wa tume huru ya Uchaguzi wa Serikali ya wanafunzi wakisubili kiapo cha utii, kutoka kulia ni Viongozi wa tume hiyo Ndugu Paulo Samwel (Katibu), Ndugu Ester Charles (Mwenyekiti Msaidizi) na Ndugu Mashibanda Lukas (Mwenyekiti).

Waheshimiwa Mawaziri wa Serkali ya Wanafunzi (MUSO) wakifuatilia kwa makini hotuba ya Rais .

Mh. Justus, Waziri wa fedha akiwasilisha Bungeni Mswaada wa sheria ya matumizi ya fedha. 

Mh. Kanduru, Waziri Mkuu wa Serikali ya Wanafunzi (MUSO) akifungua kikao cha Bunge.

Wabunge wapya wakila kiapo cha kuitumikia Serikali ya Wanafunzi (MUSO).

Watambue Viongozi wa Tume huru Ya Uchaguzi (MUSO)

Mwenyekiti wa Tume ya Uchaguzi MUSO, Ndugu Mwashibanda Lukas Shibanda

Makamu Mwenyekiti Uchaguzi MUSO, Ndugu Ester Charles

Katibu wa Tume ya Uchaguzi MUSO, Ndugu Paul Samwel

CHUO KIKUU MZUMBE WASHINDI WA MPIRA WA KIKAPU!

Mzumbe imeibuka mshindi wa mashindano ya mpira wa kikapu katika mashindano ya mpira huo yaliyofanyika St. Jordan University college iliyopo nje kidogo ya Mji wa Morogoro. Mashindano hayo yamejumuisha Chuo Kikuu cha Kilimo Sokoine (SUA), Mzumbe na St. Jordan yalikuwa mashindano makali kiasi cha kutoana jasho lakini hata hivyo kwa kuwa mshindi siku zote lazima apatikane, Mzumbe waliibuka kidedea mbele ya SUA na kubeba kombe hilo. 

Mashindano hayo yaliyoandaliwa kwa hisani ya Benk ya CRDB yamejumuisha pia mchezo wa mpira wa Miguu na Pete ambapo Mzumbe waliibuka washindi wa pili na kupata kikombe cha mshindi wa pili kwenye mchezo wa mpira wa miguu pamoja na medali za shaba baada ya kushindwa kwa magoli mawlili kwa Nunge (Mzumbe 0, St. Jordan 2) katika mchezo wa fainali, pia katika mpira wa pete Mzumbe imejinyakulia medali za shaba kwa kuwa mshindi wa pili nyua ya St. Jordan netball Team ambayo imeshika nafasi ya kwanza kwa pointi 45 ambapo Mzumbe Netball Team imepata point 40 na kufuatiwa na SUA netball Team iliyopata jumla pointi 20.

Katika mashindano hayo Mzumbe imefanikiwa kumpata mchezaji bora wa Kikapu Mzee wa kudanki (Emmanuel) na kuzawadiwa medani ya dhahabu. Aidha kulikuwa na mkali wa kucheza na maiki, mtangazaji bora mwenye kipaji cha pekee kutoka Mzumbe ambaye ameongoza matangazo ya mpira wa miguu kwa kushirikiana na vyombo vya habari, Mbaraka Tombo ambaye ameibuka na medani ya Shaba kwa kuwa mtangazaji bora wa vyuo vyote vitatu.

PICHA KATIKA MATUKIO

Marefarii wasaidizi mpira wa pete wakiwa kazini

Timu ya mpira wa pete St. Jordan University college wakiwa kwenye pozi

Timu ya mpira wa pete ya SUA iliyoshiriki mashindano.

Timu ya Mpira wa pete ya Mzumbe ikiwa kwenye picha na Naibu  Waziri wa Michezo Mzumbe, Mh. Robert Tende (Kushoto) na Kulia ni Ndugu Maganga, Refarii wa mchezo huo wa Pete kutoka St. Jordan 

Timu ya mpira wa Miguu ya Mzumbe ikiwa kwenye pozi pamoja na Waziri wa Michezo (kulia) Mh. Dennis Kato

Timu ya mpira wa volleyball ikiwa kazini (Kushoto ni Timu ya Mzumbe)

MAKAMU MKUU WA CHUO KIKUU MZUMBE AFANYA MKUTANO NA WANACHUO!

Makamu Mkuu wa Chuo (Profesa Kuzilwa) amefanya mkutano na wanachuo wa Chuo Kikuu mzumbe "main compas". Mkutano huo ambao umehudhuliwa na wanachuo wengi kiasi cha kuutapisha ukumbi wa mikutano hali ambayo imesababisha baadhi ya wanachuo kukosa nafasi za kukaa umefanyikia katika ukumbi wa mikutano wa chuo ali maarufu NAH yaani "New Assembly Hall" kuanzia majira ya saa  8:00 mchana hadi saa 11:00 jioni.

Katika mkutano huo Makamu Mkuu wa Chuo amezungumzia mambo mbalimbali ikiwa ni pamoja na Maendeleo ya Chuo kwa ujumla katika masuala ya Taaluma, upanuzi wa miundombinu ya Chuo kama vile ujenzi wa bweni la Maria Nyerere (Mzumbe) mradi ambao umekwishakamilika na ujenzi wa Maktaba katika matawi ya Dar Es Salaam na Mbeya ambao unaendelea kwa sasa na mpango wa ujenzi wa madarasa na hostel kwa Main compas ambao upo kwenye dira ya miaka mitano kuanzia mwaka 2012-2017 baada ya dira ya mwaka 2007-2012 kukamilika kwa mafanikio makubwa.

Akiendelea na hotuba yake ambayo iliyoonekana kuvuta hisia za wanachuo ambao walikuwa na kiu kubwa na shauku ya kutaka kujua mambo mengi alielezea juu ya sheria mpya za mitihani ambazo zimeanza kutumika mwaka wa masomo 2012/2013. Ujio wa sheria hizo mpya umepokelewa kwa furaha kubwa. Suala lingine, aliloligusia ni pamoja na kucheleweshewa mikopo wanafunzi waliokuwa "Stagard semister" alisema kuwa ni sababu za kiufundi ndiyo zilizopelekea mikopo hiyo kuchelewa kwani hata yeye binafsi alikiri kufuatilia suala hilo bodi ya Mikopo.

Mambo mengine aliyoyagusia ni pamoja na kuwaasa wanachuo kutokuendesha siasa au kujihusisha  na shughuli za siasa wawapo chuoni kwani ni kinyume na sheria na 51 (1) ya Chuo Kikuu Mzumbe inayozuia uendeshaji wa shughuli za siasa ndani ya chuo. Pia amewaambia wanachuo kuwa "TCU" imetoa fursa kwa wanafunzi wanaohitaji kusoma baadhi ya mihula au kuhamia katika vyuo vingine kufuatilia maelekezo kwenye mtandao wa "TCU" kwani ni jambo linalowezekana kwa sasa. Kwa mfano, Mwanachuo anaweza kusoma muhula mmoja chuo Kikuu Mzumbe na akaenda kusoma Chuo Kikuu Dar Es Salaam Mhula unaofuata na akarudi kuendelea na masomo yake kama kawaida.

Wanachuo nao walipata fursa ya kuuliza maswali na kutoa maoni yao. Maswali mbalimbali yaliyoulizwa ni pamoja na kuwa kwanini wanachuo wanaokata rufaa ya Mitihani "appeals" wasirudishiwe karatasi za majibu, Makamu Mkuu wa Chuo, akijibu swali hilo, alisema ni jambo ambalo haliko kwenye utaratibu na kuwa haliwezekani. Swali lingine lilikuwa ni kuhusu magari ya abiria kuruhusiwa kuingia Chuoni ili kupunguza usumbufu wanaoupata wanachuo wa kutembea umbali mrefu kutoka na kwenda kituo cha magari, akijibu, Makamu Mkuu wa Chuo alisema hilo linawezekana na litafanyiwa kazi. Katika Swali la kutopewa muda wa michezo katika ratiba na ukosefu wa viwanja vya kutosha kwa ajili ya michezo nalo liliulizwa,  Makamu Mkuu wa Chuo akijibu, amesema kuwa suala la ratiba ni ufuatiliaji, nalo pia lingepatiwa ufumbuzi kwa kumshirikisha Kaimu Makamu Mkuu wa Chuo Taaluma (DVC A) na kuhusu viwanja, alisema lingeshughulikiwa ila aliwashauri wanachuo kufanya mazoezi mengine huku wakisubiria suala hilo kupatiwa ufumbuzi. Suala la uzembe wa walinzi limepigiwa kelele kwani kumekuwepo na wizi wa mara kwa mara na upotevu wa mali za wanafunzi kama vile Laptop na pesa taslimu nalo amesema lingefanyiwa kazi mapema.

Aidha, Mwanachuo mmoja alisikitishwa na mavazi ya wanachuo kwa sasa ambayo yanaondoa hadhi ya vitivo wanavyovisomea vya Uongozi na Sheria hasa wakina dada ambao wamefikia hatua ya kuvaa ngou zinazowaacha wazi sehemu kubwa ya miili yao hasa vifuani na kupendekeza kuwa uwekwe utaratibu maalumu wa mavazi rasmi (Dressing code) hasa muda wa vipindi ili kuweza kuleta hadhi yao na kuwatofautisha na watu wa mitaani.

KONGAMANO LA CHANGAMOTO ZINAZOKABILI MIKOPO YA WANAFUNZI WA ELIMU YA JUU NA ATHARI ZAKE LAFANYIKA CHUO KIKUU MZUMBE

Kongamano hilo la aina yake lililojumuisha wageni kutoka vyuo vikuu mbalimbali (SUA, MOROGORO UNIVERSITY, RUCO na ST. JOSEPH) waliolikwa katika kongamano hilo kubwa kuwahi kutokea vyuoni liliendeshwa na Profesa Mchome (katibu Mkuu wa TCU) kwa kushilikiana na Ndugu Onesmas Laizer (Mwakilishi kutoka Bodi ya mikopo ya Elimu ya juu) kwa kuwasilisha mada mbalimbali zilizolenga kujadili changamoto zinazoikabili bodi ya mikopo katika utoaji na urejeshwaji wa mikopo na mstakabali wa changamoto hizo. 

Mada nyingi zimejadiliwa ila mada zilizoonekana kutawala mjadala huo ni pamoja na ucheleweshwaji wa mikopo hususani chuo Kikuu Mzumbe, utoaji wa mikopo kwa upendeleo hususani wanafunzi wanaosoma kozi za sayansi jambo linalosababisha baadhi ya wanafunzi kupata mikopo pasipo stahili, mfano baadhi ya wanafunzi wanaofaulu masomo ya sayansi ni wale waliosoma Shule nzuri kama Fedha, St. Marian nk. kuwa wanafunzi hawa wazazi wao wanakuwa na Uwezo wa kuwasomesha, Sera ya vipaumbele "Priorities" kwa baadhi ya kozi kujenga madaraja kwani wanaokimbilia mikopo ni watoto wa masikini ambao hulazimika kusoma kozi ambazo siyo chaguo lao na malipo ya "field studies kucheleweshwa na kutolipwa kwa viwango sahihi.

Akijibu hoja hizo Ndugu Laizer amesema kuwa suala la upendeleo si kweli ni fikra tu zilizojengeka miongoni mwa watu na wanafunzi kwani mikopo hiyo hutolewa kwa kuzingatia taarifa zilizojazwa na Mwanafunzi, kuhusu ucheleweshaji ameahidi kuwa maboresho yanaendelea ikiwa ni pamoja na kuhakikisha kuwa kunakuwa na mawasiliano ya karibu na vyuo ili kuwahisha matokeo ya wanafunzi mapema  na kuwa suala hilo litabaki kuwa historia tu. kwa upande mwingine amekiri na kumesema kuwa suala hilo inawezekana lipo japo si makosa ya bodi kwani wanaamini kuwa taarifa zinazowafikia bodi zinakuwa ni sahihi kwani zinapitia kwa watenadaji wa vijiji na mitaa wanowafahamu watu. Suala la malipo ya "field studies" hutegemea na asilimia ya mkopo anaoupata mtu, hivyo kutofautiana ni jambo la kawaida.

Aidha mapendekezo yametolewa juu ya uboreshaji, mapendekezo hayo ni pamoja na uongozi wa bodi kufanya ufuatiliaji wa karibu katika taarifa zinazojazwa na wanafunzi ili kuwabaini wadanganyifu pia kufuatilia wanafunzi wanaomaliza vyuo na kuhakikisha mikopo inarudi ili kuwawezesha wanafunzi walioko vyuo kutopata matatizo ya mikopo. Mapendekezo mengine yalikuwa ni kupunguza gharama za kutuma maombi ili kuwawezesha wazazi wa kipato cha chini kumudu gharama hizo na kubadilisha mfumo unaotumika wa sasa wa kutuma maombi kwa njia ya mtandao.

Akihitimisha Kongamano hilo Profesa Itika (Kaimu Makamu Mkuu wa Chuo) amewashukulu Viongozi  (kutoka TCU, HESLB na NACTE) waliohudhuria kongamano hilo na Serikali ya wanafunzi kwa ujumla.

PICHA KATIKA MATUKIO 

Ndugu Onesmas Laizer akichokoza mada katika Kongamano la Changamoto  zinazowakabili  wanafunzi wa elimu ya juu na athari zake.

Mh. Hamis Mbawala (Waziri wa Wizara ya Mikopo) Serikali ya wanafunzi Mzumbe (MUSO) akitoa maonii.

Kutoka kushoto ni Rais wa Serikali ya wanafunnzi Chuo kikuu mzumbe (MUSO), Kaimu Mkuu wa Chuo kikuu Mzumbo, Profesa Mchome (Katibu Mkuu TCU) na Katibu Mkuu wa NACTE wakifurahia jambo wakati mwakilishi kutoka bodi ya Mikopo akiwasilisha mada.

SIKU YA MWALIMU NYERERE CHUO KIKUU MZUMBE YAFAANA, "DR. ASHA ROSE MIGILO" NDANI YA NYUMBA

Mgeni Rasmi Dr. Asha Rose Migilo akiwa katika picha ya pamoja na Viongozi mbalimbali wa Chuo pamoja na Wahadhili wa Chuo Kikuu Mzumbe.

Dr. Asha Rose Migilo akiteta jambo na Prof. F. Kamuzora Kushoto ni Pro. A. Kamuzora

Prof. Mpagala (Chuo Kikuu Dar Es Salaam) akitoa mada juu ya Umoja wa Afrika na Umoja wa Afrika Mashariki.

Prof. Kopoka akiwasilisha mada ya filosofia za mwl. Nyerere na Nkwame Nkuruma juu ya Umoja wa Afrika na Umoja wa Afrika Mashariki.

Mhadhili wa Chuo Kikuu cha Mzumbe na "Associate Dean" wa School of Public Administration and Management (SOPAM), Rashidi Mfaume akitoa mada juu ya matatizo mbalimbali yanayovuruga Umoja na Mshikamno aliouacha Mwl. Nyerere ambayo ni ukabila na Udini unaoanza kujitokeza, mfano katika Uchaguzi wa CCM uliofanyika hivi karibuni wa kuchagua Viongozi kwa kutumia mikoa wanayotoka .

Dr. Asha Rose Migilo akifurahia jambo wakati akifuatilia moja ya mada zilizotolewa.

Viongozi wa MUSO (Waliosimama nyuma) wakiwa katika picha ya pamoja na Mgeni Rasmi.

Siku hiyo iliyopambwa na mada mbalimbali zilizomhusisha Baba wa Taifa Hayati Mwl. Nyerere katika harakati zake za kuupigania umoja wa Afrika na ule wa Afrika Mashariki mada ambazo zilitoa changamoto kwa hali ya sasa ambayo katika hali halisi umoja huo umeanza kutoweka kutokana na vita baridi zinazojitokeza katika nchi mbalimbali za Afrika na duniani kote zinazotokea kutokana na tofauti za kidini na siasa pia na Ufukara walionao raia wa nchi hizo unaohusishwa na Viongozi wasio waaminifu (Mafisadi). 

Kwa upande mwingine imetolewa changamoto kwa vijana kutokuwa waoga katika soko la Afrika Mashariki na baadala yake kutumia fursa hiyo ili kujinufaisha kiuchumi, mfano wa fursa hizo ni pamoja na ile ya kutotozwa kodi kwa wafanyabishara wote wa bidhaa zinazozalishwa katika nchi hizo wanapokuwa wanasafirisha bidhaa zao kutoka nchi za jirani.

Akihitimisha Sherehe hiyo Mh. Prof. Daniel Mkude (Mwenyekiti wa Bodi ya Chuo Kikuu Mzumbe) ameomba watunga Sera za Elimu kufanya tathmini ya sera ya Elimu kuanzia shule ya Msingi ili kuwaandaa vijana kuwa na Elimu bora itakayowawezesha kupambana na changamoto mbalimbali za ajira na kuwa na umoja na hatimaye kujenga Umoja wa Nchi na Kimataifa.

KIKAO CHA BUNGE LA SERIKALI YA WANACHUO NOVEMBA 11, 2012

Mh. Waziri Mkuu (Nasibu Kanduru) wa Serikali ya Wanafunzi Mzumbe (MUSO) akifungua  Bunge  la  kwanza  la mwaka wa  masomo  2012/2013

Wabunge wa Serikali ya wanafunzi Mzumbe (MUSO) wakifuatilia hoja mbalimbali zilizotolewa ndani ya Bunge hilo.

Mh. Naibu Spika (Christina Nelson) wa Bunge la Serikali ya wanafunzi Mzumbe (MUSO)

Katikati ni Mh. Spika (Thomas James Salala) wa Bunge la wanafunzi wa Tawi la Mzumbe , Dar  Es  Salaam  na  kulia ni Katibu Mkuu wa Serikali ya wanafunzi (MUSO)  na kushoto ni Makamu Katibu Mkuu wa Bunge la wanafunzi Mzumbe (MUSO)

Waziri wa fedha akiwasilisha hoja ya mswaada wa fedha kwa mara  ya  kwanza.

Hoja hiyo itawasilishwa tena katika Bunge hilo katika Bunge lijalo baada ya kusomwa kwa mara ya kwanza na kuafikiwa na Wabunge pamoja na Serikali ijadiliwe katika Bunge lijalo ili wapate muda kuupitia muswaada huo, kuutafakari na kuuelewa na kujiridhisha ili kupitisha muswaada wanaoufahamu.

Mh. Grace Kasebele (waziri wa Katiba  na  Sheria)  akitoa  hoja  ya  kupitisha  Mswaada  wa  klabu ya Haki za Binadamu  (Human Rights Club), hoja hiyo imeungwa mkono na kupitishwa na wabunge pamoja na hoja hiyo, hoja nyingine zilizopitishwa ni pamoja na hoja za Waziri wa Elimu, Mh. Vaileth Lusana (hayupo  pichani) zilizolenga kufungua klabu mbili (Youth Career club na Pro-Poor Oriented Foundation (PPOF))

WALTER AIBUKA KIDEDEA WA EPIQ BSS 2012

Walter (Mshindi wa Epiq Bongo Star Search 2012)

Baada ya mchuano mkali wa Epiq Bongo Star Search mwaka 2012, hatimaye Mshindi wa shindano hilo apatikana na kuondoka na kitita cha pesa tasilimu za kitanzania shilingi milioni hamsini (TShs 50,000,000/=). Walter ameonekana kutoamini macho yake kiasi cha kuanguka chini na kunyanyuliwa.

Ulikuwa ni usiku mzuri kwake na mashabiki wake waliofika ukumbini kwani walionekana kumshangilia muda wote na kipindi kingine kushindwa kujizuia muda wote aliopanda jukwaani.

MKUTANO WA WAZIRI WA ELIMU NA VIONGOZI WA MADARASA

Katika picha Baadhi ya Viongozi wakifuatilia Hotubaba ya Waziri wa Elimu 

Katika picha (Kulia ni waziri wa Elimu, Mh. Vaileth Lusana na  kushoto ni  Naibu Waziri  wa  Elimu  Mh.  Joseph  Kapyunka

Mkutano huo ulilenga kuwakaribisha viongozi wapya wa Wanafunzi na kuwaeleza kuhusu sheria mpya za mitihani, pia katika mkutano huo Viongozi wameshauliwa mambo mengi ikiwa ni pamoja na kuyaelewa majukumu yao na kuyatekeleza kwa kufuata misingi ya kisheria.

Mh. Vaileth Lusana ambaye ni Waziri wa Elimu wa MUSO amewakumbusha Viongozi kujijengea utamaduni wa kutembelea mbao za matangazo ili kuweza kupata taarifa mbalimbali zitolewazo na Uongozi wa chuo. Aidha amewatahadharisha kutobweteka na baadala yake wasome kwa bidii ili kuwa mfano wa wanaowaongoza.

Amewataka kuwaelimisha wanafunzi wenzao juu ya sheria za Mitihani na kuzizingatia wawapo kwenye vyumba vya mitihani kwani kufanya hivyo kutawaepusha na matatizo yasiyo ya lazima. 

OBAMA ACHAGULIWA TENA KUIONGOZA MAREKANI

Rais Baraka Obama amechaguliwa tena kuiongoza Marekani kwa mara nyingine. Ushindi huo umepelekea majonzi kwa wanachama wa Republican kwa kutoamini kilichotokea dakika 60 za mwisho zilizompa ushindi rais Baraka Obama. Hata hivyo mpinzani wake Mitt Ronney amempongeza Baraka Obama kwa ushindi huo na kukubali kuwa amemshinda na hana budi kufanya hivyo kwani ndiyo chaguo la wamarekani. 

Kwa upande mwingine, ilikuwa ni furaha kubwa kwa wanachama wa Democrats kwa ushindi walioupata. Amewashukulu kwa kumchagua na kurudi Ikulu kwa mara nyingine, aidha amesema kuwa ushindi huo ni wa wamarekani wote bila kujali chama na majimbo wala waliomchagua au la na kusema kuwa kila mtu ana maoni yake binafsi na wamefanya maamuzi sahihi. Amewataka kutokusahau sera ya Marekani kuwa ni umoja, kazi na uzalendo ambayo imewafanya kuwa na mafanikio makubwa kuliko nchi yoyote duniani. 

UONGOZI WA MUSO UNAMPONGEZA RAIS BARAKA OBAMA KWA KUCHAGULIWA TENA KUIONGOZA NCHI YA MAREKANI. TUNAMTAKIA MAFANIKIO MEMA KATIKA KIPINDI CHOTE CHA UONGOZI WAKE.

UCHAGUZI WA VIONGOZI WA MABWENI (HOSTEL REPRESENTATIVES) KUFANFYIKA JUMAMOSI TAREHE 10/11/2012

Mh. Elly Masoka, (Naibu waziri wa Katiba na Sheria Serikali ya Wanachuo Chuo Kikuu Mzumbe (MUSO)) anawatangazia wanachuo wote wa Mzumbe ya kuwa kutakuwa na Uchaguzi unaotarajiwa kufanyika jumamosi kuanzia saa 4:00 Asubuhi. 

Wanachuo wote wa Mabweni husika wenye nia ya kugombea nafasi hizo wanakumbushwa kutumia nafasi hiyo kikatiba kwa kujiandikisha majina yao kwa Naibu Waziri wa Sheria na Katiba, Mh. Elly Masoka kupitia Namba ya simu 0719 771115 au 0765 097537

BARAZA LA WANACHUO CHUO KIKUU MZUMBE LAFANYIKA

Mh. Amon Chakushemeire Rais wa Serikali ya Wanafunzi wa  Chuo Kikuu  cha  Mzumbe  (MUSO)  akisoma hotuba  yake   kwenye Baraza la Wanachuo wa Chuo Kikuu Mzumbe, hotuba hiyo imewavutia wanachuo kwani imegusa matarajio yao kwa kiasi kikubwa na walionekana kufuatilia kwa makini na pia ilipongezwa na wanachuo hao ambao walipata nafasi ya kutoa maoni na kuuliza maswali. Kati ya mambo yaliyokonga mioyo ya wanachuo ni pamoja na suala la mabadiliko ya sheria za mitihani, Mikopo ya wanachuo kutoka bodi ya Mikopo hasa kwa kuwa walikuwa na shauku ya kujua hatima ya wanafunzi waliositishiwa mikopo yao kwa kupata "Supplementary", ambapo aliwahakikishia kuwa lilikuwa limeshashughulikiwa na wangeendelea kupata mikopo yao baada ya taratibu zote kukamilika, Aidha amewataka wanafunzi kuelewa mipaka ya Viongozi wao katika kufuatilia baadhi ya mambo na kuwaondoa wasiwasi wanachuo kwa kuwaomba wapuuze baadhi ya fikira potofu kutoka kwa watu wanaotaka umarufu wa kisiasa kwa madai kuwa Serikali haiwajali na kuwa haifuatilii matatizo yao na baadala yake kujenga utamaduni wa kufuatilia mambo muhimu kwa kupata taarifa kutoka sehemu husika (Viongozi wao) na si maneno yanayosemwa na wanafunzi wenzao. Akiongea kwa masikitiko makubwa alitoa mfano wa baadhi ya Habari ambayo ilikuwa ni ya uzushi na ambayo iliusikitisha Uongozi wa Chuo ya kuwa Chuo kilikuwa kikiweka pesa kwenye "fixed Account" zinazotoka Bodi ya Mikopo na kuwacheleweshea wanafunzi kwa makusudi, jambo ambalo halikuwa sahihi.

Wanachuo wakifuatilia kwa makini hotuba ya Rais wa Serikali ya Wanafunzi  Mzumbe (MUSO) katika Baraza la wanachuo  lililofanyika katika ukumbi wa National Assembly Hall maarufu kama NAH, Baraza hilo lilivunja rekodi ya mahudhurio ya miaka yote kwa kuhudhuliwa na wanachuo wengi. Wanachuo walionekana kuvutiwa na hotuba hiyo iliyovuta hisia zao, hasa pale alipogusia mambo mbalimbali ambayo serikali imefanikiwa kuyafanya kwa kipindi cha uongozi wake ikiwa ni kupata Sheria mpya za mitihani (Examination by-laws), Sheria ambazo zimekuwa ni   kiu kubwa ya wanafunzi wa Chuo kikuu cha Mzumbe, utatuzi wa tatizo la nyenzo za kufundishia (Audio systems na VLCDs) katika madarasa mbalimbali na upanuzi wa mawasiliano ya Internet (Wireless Extension) ili kukidhi mahitaji ya watumiaji wa mtandao. 

RAIS WA SERIKALI YA WANAFUNZI MZUMBE (MUSO) AFANYA UTEUZI WA MAWAZIRI NA MANAIBU WAZIRI

Mh. Amon Chakushemeire, Rais wa Serikali ya Wanafunzi Mzumbe (MUSO) amefanya uteuzi wa Mawaziri na Manaibu Waziri wa Wizara mbalimbali na kuwahamisha Wizara baadhi ya Manaibu Waziri. Katika uteuzi huo baadhi ya Manaibu Waziri wamepandishwa hadhi na kuwa Mawaziri kamili wa Wizara. Manaibu Waziri waliopandishwa hadhi ya kuwa Mawaziri ni pamoja na Mh. Judith Kweka aliyekuwa N/Waziri wa Sera, Uratibu na Bunge na kuwa Waziri wa Wizara ya Mambo ya Nje, Mh. Hamis Mbawala aliyekuwa N/Waziri wa Wizara ya Mikopo, ambaye kwa sasa ni Waziri wa Wizara ya Mikopo, Mh. Vaileth Lusana Naibu Waziri Wizara ya Elimu, Teknolojia na Mafunzo ya Sanaa, amekuwa Waziri kamili wa Wizara hiyo, Mh. Mfaume Mfaume aliyekuwa Naibu Waziri Wizara ya Afya, Chakula na Mahusiano amekuwa Waziri katika Wizara hiyo, Mh. Albert Nzilolela Naibu Waziri  Wizara ya Habari na Mawasiliano  kwa sasa ni Waziri wa Wizara ya Habari na Mawasiliano na Mh. Lydia Yohana aliyekuwa Naibu Waziri Wizara ya Mazingira, Maji na Nishati amekuwa Waziri wa Wizara husika.

Aidha Mh. Rais amefanya mabadiliko katika Wizara mbalimbali kwa kufanya uteuzi wa Mawaziri, Manaibu Waziri na Katibu wa Kudumu wa Wizara, Mawaziri waliobahatika kuteuliwa katika nafasi hizo ni Mh. Grace Kasebele Waziri wa Wizara ya Sheria na Katiba, Mh. John Lameck Waziri Wizara ya Malazi na Miundombinu, Joseph Kapyunka Naibu Waziri Wizara ya Elimu, Teknolojia na Mafunzo ya Sanaa, Mh. Robert Tende Naibu Waziri wizara ya Vijana, Utamaduni na Michezo na Mh. Gigwa Mipawa Katibu wa Kudumu Wizara ya Elimu, Teknolojia na Mafunzo ya Sanaa.

Ili kuleta ufanisi na tija katika utendaji kazi, Mh. Rais wa Serikali ya Wanafunzi Mzumbe (MUSO) amefanya mabadiliko mbalimbali kwa kuwahamisha Wizara baadhi ya Manaibu Waziri wa wizara mbalimbali. Manaibu waliohamishwa Wizara ni pamoja na Mh. Ebenezer F. Elishiwanga kutoka Wizara ya Mambo ya Nje na kuhamishiwa Wizara ya Sera, Uratibu na Shughuli za Bunge na Mh. Hellen Said aliyekuwa Naibu Waziri katika Wizara ya Fedha, Mipango na Uwekezaji amekuwa Naibu Waziri Wizara ya Sera, Uratibu na Shughuli za Bunge.

Zaidi, Mh. Rais wa Serikali ya Wanafunzi Mzumbe (MUSO) amewaapisha Wateule hao na kuanza kazi mara moja katika nafasi walizoteuliwa mara baada ya kula kiapo hicho. Mara baada ya kuwaapisha, Mh. Rais amewakumbusha kuwa na moyo wa kuwatumikia Wanachuo na kuwaasa kutii kiapo hicho kwa kuzingatia maneno yaliyomo na maadili ya Uongozi.

Ndugu Amani (Mtaalamu wa ICT Mzumbe akifafanua juu ya matumizi  ya  Google  Apps  kwa  wanafunzi  wa  mwaka  wa  masomo 2012/2013 katika moja ya mafunzo yaliyotolewa katika mafunzo ya awali na kitengo cha Teknohama Mzumbe.

Mwalimu Ghasia (Mkurugenzi Mwandamizi wa Idara ya habari na Mawasiliano) akifundisha matumizi na umuhimu wa E-learning wanzafunzi wa  mwaka wa  masomo  2012/2013 katika mafunzo ya awali. 

Ndugu Albert (Naibu Waziri wa Habari na Mawasiliano akifafanua kuhusu  Blog  mpya  ya  MUSO  (Mzumbe  University Student  Organization) ambayo imelenga kutumika katika kupashana habari kati ya wanafunzi na Serikali yao juu ya matukio mbalimbali na kubadilishana mawazo pia kutoa maoni yao mbalimbali.

Bi. Domitila (Google Ambassador) akiwafundisha wanafunzi  matumizi  na  umuhimu wa  Google  Apps for  Education  Services.

Dr. Msabila (Mkurugenzi wa Idara ya Habari na Mawasiliano)  Mzumbe  akitoa  mafunzo  ya  awali  kwa  wanafunzi wa  mwaka wa masomo 2012/2013 juu ya Teknohama na faida zake ambapo amefundisha matumizi ya ARIS na E-LEARNING. Wanafunzi walionekana kufurahia na kufuatilia kwa makini sana somo hilo kiasi cha kuomba liendelee kufundishwa mara kwa mara Chuoni. 

Wanafunzi wakiwa katika picha ya pamoja na wawezeshaji wa  mafunzo  ya  awali  ya  Habari na Mawasiliano  

Mh. Rais wa Serikali ya wanafunzi Mzumbe (MUSO) akiwahutubia wanafunzi  kwenye mafunzo ya awali (Orientation) inayowaandaa  wanafunzi kuyajua mazingira, mbinu mbalimbali za kukabiliana na masomo ya Chuo Kikuu na kuwafahamu Viongozi mbalimbali wa Chuo. Rais amewakaribisha na kuwapongeza kwa kuchaguliwa kujiunga na Chuo Kikuu cha Mzumbe pia amewahakikishia kuwa serikali yake iko imara na iko tayari kuwawakilisha vema matatizo na changamoto zao kwa uongozi wa Chuo kwani ndiyo Shughuli ya serikali ya Wanafunzi. Amewataka wanafunzi wote kufikisha matatizo yao mahali husika. Zaid amewakumbusha kuwa matatizo ya wanafunzi wa Mzumbe yanatatuliwa kwa kukaa meza moja ya mazungumzo na kufikia muafaka hivyo amewataka kutumia fursa ya mazungumzo kufikia muafaka wa matatizo yao. (Katika picha; Kushoto ni Makamu wa Rais Bi. Delvina Mushi na Kulia ni Katibu Mkuu wa Serikali ya MUSO Bi. Shemsa).

Mawaziri na Makatibu wa Wizara mbalimbali wakifuatilia kwa makini hotuba  ya  Mh. Rais  wa  Serikali  ya  wanafunzi  Mzumbe (MUSO).

Profesa Daniel Mkude (Mwenyekiti wa Bodi ya Chuo Kikuu  Mzumbe)  akiwaeleza  wanafunzi  wa  mwaka wa  masomo  2012/2013 shughuli mbalimbali zinazofanywa na Bodi hiyo ikiwa ni pamoja na kusimamia raslimali za Chuo, kuhakikisha wanafunzi wanajifunza katika mazingira mazuri, Kutunga Sheria ndogondogo za Chuo (by Laws), kupitisha mapendekezo mbalimbali yanayotolewa na Uongozi wa Chuo katika vikao vyake vinne vinavyofanyika kila mwaka, mfano kama kuna uhitaji wa kuongeza vitivo (faculties/Schools) pia amewasisitizia wanafunzi kuzingatia masomo ili kufikia malengo yao binafsi na yale ya Chuo. (Kutoka kulia ni Rais wa Serikali ya MUSO, Msaidizi wa Mshauri Mkuu wa Wanafunzi (Assisstant Dean Of Students), DVC Finace and Administration, Mweyekiti wa Bodi ya Chuo na DVC Accademic).

Porfesa Itika (Kaimu Makamu mkuu wa Chuo - DVC Accademic) akiwahutubia wanafunzi wa mwaka wa masomo  2012/2013  

Profesa Kamuzora (Kaimu Makamu Mkuu wa Chuo - DVC Finance and  Administration)  akihutubia wanafunzi katika ukumbi wa NAH kwenye mafunzo ya awali kwa mwaka wa masomo 2012/2013

Wanafunzi wa mwaka wa masomo 2012/2013 wakifuatilia hotuba za Makaimu Wakuu wa Chuo  Kikuu  Mzumbe  kwenye  kipindi cha mafunzo ya awali (Orientation),  Makaimu wote wamewakaribisha wanafunzi na kuwapongeza kwa kuchaguliwa kujiunga na chuo Kikuu cha Mzumbe, aidha wamekumbushwa kutojihusisha na masuala ya siasa ya vyama na udini ndani ya Chuo.

Zoezi la Usajiri likiendelea katika ukumbi wa mihadhara (LT 1)  Kulia ni  Maofisa  wa  Idara  ya  fedha  Mzumbe  na  Kushoto Ni wanafunzi wapya wakiendelea na Usajiri. Zoezi hilo limepongezwa na Uongozi wa Chuo pia na wanafunzi kuwa limekuwa la kipekee na mafanikio ya hali ya juu. Aidha Serikali ya wanafunzi( MUSO), Idara ya Fedha na Vitivo wamepongezwa na Kaimu Mkuu wa Chuo kwa kufanikisha zoezi la Usajiri kwa ufanisi.

Msaidizi wa Mshauri Mkuu wa wanafunzi (kulia) na Naibu Waziri  wa  Elimu  (kushoto)  pamoja  na  wanafunzi  wakifuatilia kwa makini  hotuba za Makaimu Wakuu wa Chuo kikuu Mzumbe.